Ўзгидромет хабарига кўра, бугун республиканинг шимоли-ғарбий ҳудудларига ва кечга томон қолган ҳудудларга Россиянинг Европа ҳудудидан совуқ ва нам ҳаво массаси кириб келади. Бугун ва эртага республика бўйича баъзи жойларда шамол 15-20 м/с.гача кучайиши кутилмоқда.
Шанба, 25 февраль куни Ўзбекистон бўйича ёғингарчилик (ёмғир, қор) бўлади, тоғ олди ва тоғли ҳудудларда баъзи жойларда қор ёғади, вақти-вақти билан кучли бўлади. Бухоро, Навоий, Хоразм вилоятларида кечаси ва эрталаб бироз қор ёғади Фақат Қорақалпоғистон бўйича қуруқ об-ҳаво кузатилади. Ҳаво ҳарорати пасаяди ва кўпчилик ҳудудларда кечаси ва кундузи 0...+5 даража, шимолда кечаси -10...-5 даража, кундузи 0...+5 даража атрофида бўлади.
26 февраль куни Ўзбекистоннинг барча ҳудудлари бўйича қуруқ ва кам булутли об-ҳаво бўлиши кутилмоқда. Республиканинг катта қисмида ҳарорат кечаси -5...-2 даражагача пасаяди. Кундузи қуёш ҳисобига ҳаво ҳарорати +7...+12 даражагача кўтарилади.
Республика бўйича баъзи жойларга туман тушиши мумкин. Ушбу кунларда республиканинг тоғли ҳудудларида қор кўчиши хавфи бор.
Пойтахтда бугун кечга томон бироз ёмғир ёғиши мумкин. Ҳаво ҳарорати +16...+18 даражагача бўлади.
Шанба куни вақти-вақти билан ёғингарчилик бўлади. Туман тушиши мумкин. Шамол ғарбдан 5-10 м/с тезликда эсади, 12-15 м/с гача кучайиши мумкин. Ҳаво ҳарорати кечаси ва эрталаб +3...+5 даражани ташкил этади, кундузи 0...+2 даражагача пасаяди.
Якшанба кунига келиб, ёғингарчиликсиз об-ҳаво кузатилади. Кечаси ва эрталаб туман тушиши мумкин. Шамол шарқдан 3-8 м/с тезликда эсади. Ҳаво ҳарорати кечаси -4...-2 даража, кундузи +8...+10 даража бўлади.
