Самарқанд вилояти ИИБнинг хабар беришича, вилоят ИИБга фуқаро ариза билан мурожаат қилиб, Самарқанд шаҳрида яшовчи шахс фирибгарлик йўли орқали фуқароларни АҚШга жўнатиш билан шуғулланиб келаётгани айтган.
Аниқланишича, у фуқароларни дастлаб, Европа давлатлари орқали Мексикага, шундан сўнг АҚШга олиб ўтиб қўйшини ваъда қилиб, ҳар бир шахс учун 40 минг АҚШ долларидан сўраган. Шунингдек, кўнгилли фуқаролар дастлаб ҳужжатларни расмийлаштириш учун 10 минг доллар бериши керак бўлган.
Олиб борилган тезкор тадбирда фуқаро ариза ёзган фуқародан 10 минг долларни олаётган вақтда қўлга олинган. Мазкур ҳолат юзасидан мазкур фуқарога нисбатан ЖКнинг 168-моддаси 4-қисми «а» банди билан жиноят иши қўзғатилган. Ҳозирда тергов ҳаракатлари олиб борилмоқда.