Пойтахтда жойлашган мактаблар қаршисида тартибга солинмаган пиёдалар ўтиш жойидан пиёдаларнинг хавфсиз ҳаракатланиб ўтиши учун йўл қатнов қисмининг торайишидан иборат бўлган ётиқ чизиқ чизилиб "хавфсизлик оролчаси" барпо қилинди. Бу ҳақда шаҳар ИИББ ЙҲХБ Ахборот хизмати хабар бермоқда.
Мазкур тадбирлар Тошкент шаҳар ИИББ ЙҲХБ бошлиғи ташаббуси билан йўл ҳаракати хавфсизлигини таъминлаш, болалар иштирокидаги йўл-транспорт ҳодисаларининг олдини олиш тизимини такомиллаштириш мақсадида Беларус тажрибаси асосида амалга оширилмоқда.
Қайд этилишича, келгусида серқатнов йўл ёқасида жойлашган барча умумий ўрта таълим мактабларда хориж тажрибаси асосида шу каби йўл ётиқ чизиқлари чизилади.
