Бош прокуратура ҳузуридаги Департамент ҳамда ИИБнинг Қизилтепа тумани бўлимлари томонидан ўтказилган тезкор тадбирда, Қ.Р. фуқаро Д. исмли аёлнинг шаъни ва қадр-қимматига путур етказувчи видео тасвирларни ижтимоий тармоқларда тарқатиб юбориш билан қўрқитиб, эвазига ундан 8 млн сўм талаб қилиб олган вақтида ашёвий далиллар билан ушланган. Бу ҳақда Бош прокуратураси ҳузуридаги Иқтисодий жиноятларга қарши курашиш департаменти хабар берди.
Мазкур ҳолат юзасидан ЖКнинг 165-моддаси (товламачилик) билан жиноят иши қўзғатилиб, терговга тегишлилиги бўйича юборилган.