Аввалроқ, Акида Хонум номи билан фаолият олиб борувчи блогер Facebook орқали Тошкент вилоятида 39 ёшли аёл 4 нафар эркак томонидан зўрлангани ҳақида хабар берди.
Хабарда айтилишича, аёлнинг турмуш ўртоғи Россияга ишлагани кетган бўлган. Аёл ўзи ва икки нафар фарзанди бир ховлида яшаган.
4 нафар эркак аёлнинг уйига бостириб кириб, болаларининг олдида зўрлаган.
Тошкент вилояти ИИББ Матбуот хизматининг хабарига кўра, мазкур ҳолат Бўстонлиқ тумани “Чимбойли” қишлоғи ҳудудида содир бўлган.
Ҳолат юзасидан 25-27 ёшли 4 нафар гумонланувчи (тезкор) процессуал тартибда ушланган. Уларга нисбатан Жиноят кодексининг 118 (Номусга тегиш) ва 119-модда (Жинсий эҳтиёжни зўрлик ишлатиб ғайритабиий усулда қондириш)лар билан жиноят иши қўзғатилган. 36 ёшли аёлни зўрлаган шахслар эҳтиёт чораси сифатида “қамоқ” танланган.
Ҳозирда тергов ҳаракатлари давом этмоқда. Шунингдек, ҳолат юзасидан 10 яқин суд тиббий ва бошқа турдаги экспертиза тайинланган.
