Ёш ва иқтидорли дастурчилар эндигина 17 ёшда, лекин улар бир неча йиллардан бери ўйинлар ва мобил иловалар яратиш билан профессионал тарзда шуғулланиб келишади. 2022 йилда GameDev Goethe да ишлаб чиқилаётган ўйинларнинг мавзуси молиявий саводхонлик бўлган эди. Тадбирга Ўзбекистондаги етакчи тўлов дастурларидан бири бўлган Payme ҳомийлик қилган.
Planet of Pizza ўйинида фойдаланувчилар ўз пиццерияларини бошқаришлари, жумладан, ўз вақтида пицца етказиб беришлари, мижозларга хизмат кўрсатишлари, вақтни ҳисобга олиш ва буюртма турини таҳлил қилишлари керак бўлади. Ўйинчининг вазифаси — молиявий жиҳатдан ғамхўрлик қилиш ва ўйин қаҳрамонини максимал даражада такомиллаштиришдан иборатдир. Ҳатто ўз мопедингизни ҳайдаш ва уни кибермашина даражасигача етказиш имконияти ҳам мавжуд. Planet of Pizza ўйинида миллиардерга айланиш учун бизнесингизни қандай ривожлантириш ва бутун шаҳарни ўз тармоғингиз билан қамраб олишни ўрганишингиз мумкин.
Ўйиндаги графикалар классик ўйинлар услубидаги ёрқин рангларда тақдим этилган. Тасвир ўйин қаҳрамони ҳаракатланаётган шаҳарнинг изометрик проекцияси кўринишида қурилган. Интерфейс ёрқин ва тушунарли, ўйин қаҳрамонини бошқариш жуда осон.
Ўйин бизнес қуриш вазифаларига асосланади. Бу шахсий стратегиянгиз кўринишида амалга оширилиши керак бўлган виртуал пиццерия менежменти. Ўйинчи ишлаб топган пулини қаерга сарфлашни, жумладан бир вақтнинг ўзида кўпроқ пицца етказиб бериш ёки шаҳарнинг бошқа қисмида филиал очиш имкониятига сармоя киритишни танлаши керак. Шундай қилиб, у ҳақиқий ҳаётда пулга янада пухта ўйланган муносабатда бўлиш кўникмасини ривожлантиради.
Ўйиннинг бундай ёндашуви сизга ўйинчи қандай молиявий мақсадларга эришмоқчи эканлигини мустақил ҳал қилишга, шунингдек, хатоларга йўл қўйиш, уларни таҳлил қилиш ва тажрибалар орқали ҳосил бўлган стратегиянгизни яратишга ёрдам беради.
Илова молиявий саводхонлик асосларини намойиш этади, вазифаларни тезкорлик билан яхшироқ бажаришга ёрдам беради ва стратегик фикрлаш қобилиятини шакллантиради. Шахсий молияни бошқариш мактаб ўқув дастури билан бир қатордаги фойдали маҳоратлардандир. Молиявий саводхонлик элементлари мактаб ўқув дастурига киритилган, ўқув курслари ишлаб чиқилган, китоблар ёзилган. Planet of Pizza ўйини эса ёшлик чоғиданоқ пулга нисбатан тўғри муносабатни шакллантириш учун мўлжалланган.
Payme ва GameDev Goethe билан ҳамкорлик ёш дастурчилар учун катта имкониятларни очиб беради.
Илова ҳозирча фақат Android тизимида мавжуд. Уни ҳавола орқали юклаб олиш мумкин.
Келгусида Payme компанияси Payme Kids дастурини фаол ривожлантиришни ва ота-оналарга фарзандларида молиявий воситаларга нисбатан оқилона муносабатни шакллантиришга ёрдам беришни режалаштирмоқда. Лойиҳа янгиликларини компаниянинг ижтимоий тармоқларида кузатиб боришингиз мумкин
Instagram: @payme.uz
Facebook: @payme.uz
Telegram: @payme_uz
Реклама ҳуқуқлари асосида
