Фарғонада йўлнинг қатнов қисми ўпирилиб тушганлиги акс этган фотохабар ижтимоий тармоқларга сиздирилди. Ушбу ҳолат юзасидан Фарғона вилояти ИИБ ЙҲХБ изоҳ берди.
Аниқланишича, жорий йилнинг 1 февраль куни 4 К 923 Яйпан-Рапқон-Бешариқ-Чилмахрам автомобиль йўлининг 25-км.да ер ости сизот сувларининг йўл қопламаси остига тўпланганлиги натижасида, ўпирилиш содир бўлган.
Мазкур ҳолат шу куннинг ўзида керакли куч-воситалар ёрдамида бартараф этилиб, автомобиллар қатнови тикланган.
Йўлдаги носозлик туфайли содир бўлган йўл-транспорт ҳодисаси натижасида Nexia автомашинаси ҳайдочиси дастлабки маълумотга кўра, енгил тан жароҳати олган.
Ҳозирда ушбу ҳолат юзасидан Бешариқ тумани ИИБ ЙҲХГ томонидан ўрганиш ишлари олиб борилмоқда.