Соғлиқни сақлаш вазирининг тегишли буйруғи билан Дониёр Ботирович Миразимов Республика ихтисослаштирилган нейрохирургия илмий-амалий тиббиёт маркази директори вазифасини бажарувчи этиб тайинланди.
Ушбу лавозимда у Қориев Ғайрат Маратович ўрнини эгаллади, у фаолиятини ушбу марказда илмий масалалар бўйича маслаҳатчи сифатида давом эттиради. Бу ҳақда UzNews.uz'га Соғлиқни сақлаш вазирлиги матбуот хизмати хабар берди.
Тиббиёт фанлари номзоди Дониёр Миразимов касбий фаолиятини шу марказда кичик илмий ходим сифатида бошлаган. Шундан сўнг ушбу муассасада нейрохирург, бош шифокор бўлиб ишлади.
2020 йилдан шу кунга қадар Дониёер Миразимов Зангиота 2-сон юқумли касалликлар шифохонасига раҳбарлик қилиб келган.