Uzbekistan Airways 2023 йил 7 февралдан 10 апрелгача Тошкент – Нью-Йорк – Тошкент йўналиши бўйича амалга ошириладиган барча авиақатновларнинг эконом ва бизнес-класс тарифларига 20 фоизлик махсус чегирма тақдим этади. Бу ҳақда авиакомпания UzNews.uz'га хабар берди.
Чегирма шартлари:
— Чегирма салонда жой эгалламайдиган ва 2 ёшгача бўлган болалар учун амал қилмайди;
— Авиачипта қайтарилганда/қайта бронлаштирилганда/қайта расмийлаштирилганда тарифга тақдим этилган чегирма авиачиптани қайтариш/қайта бронлаштириш/NO-SHOW учун ундириладиган йиғимларга нисбатан қўлланилмайди, болалар учун белгиланган тартибда (25% чегирма билан) ундирилади. Қисман фойдаланилган авиачипта пулини чегирма тугагандан кейин кунда қайтармоқчи бўлган йўловчи чегирма амал қилган кунда сотиб олган миқдорда қайтариб олади;
— 11 апрелдан бошлаб авиарейсларда тўлиқ фойдаланилмаган, чегирма билан чиқарилган авиачипталар қайта расмийлаштирилган/қайта бронь қилинган тақдирда, чегирмалар қўлланилмаган ҳолда тўлиқ тариф даражасига қўшиш зарур;
— 7 февралдан 4 апрелгача бўлган даврда илгари берилган авиачипталар авиақатновлар учун қайта расмийлаштирилган/қайта бронь қилинган тақдирда, чегирма тарифга қўлланилмайди;
— 2023 йил 11 апрелдан бошлаб чегирма билан чиқарилган қисман фойдаланилган авиачипталар рейсларга қайта расмийлаштирилган/қайта бронь қилинган тақдирда, чегирма акция муддатига тўғри келмаган 2-сегментга нисбатан қўлланилмайди;
— Чегирма фақат акция муддатига тўғри келадиган сайт учун амал қилади;
— Чегирмаларни бирлаштириш (болаларники бундан мустасно) тақиқланади;
— Чегирма Тошкент-Нью-Йорк йўналиши бўйича эълон қилинган барча индивидуал эконом ва бизнес-класс тарифларига, бориш ва қайтиш учун рухсат этилади.
Авиачипталарни чегирма билан www.uzairways.com сайти, “UzAirways” мобил иловаси, Uzbekistan Airways Sales филиали ва унинг агентларидан, шунингдек, авиакомпаниянинг чет элдаги ваколатхоналаридан харид қилинг.