Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати 2022 йилда республика ҳудудида содир бўлган йўл-транспорт ҳодисалар ҳақида маълумот берди.
Унга кўра, ўтган йили 9 902 та ЙТҲ содир этилган. 2086 та ҳолатда ўлим билан ЙТҲ содир этилган. Содир этилган йўл-транспорт ҳодисалари натижасида 2356 нафар инсон вафот этган бўлса, 9606 нафари турли даражадаги тан жароҳатларини олган.
Энг кўп йўл-транспорт ҳодисалар белгиланган тезликка риоя қилмаслик оқибатида содир этилган (1 577). Энг кам ЙТҲ светофор ёки йўл белгиси ўрнатилмаганлиги сабабли келиб чиққан (214).
9 902 та ЙТҲларнинг 345 таси аёллар, 9 557 таси эркаклар томонидан содир этилган.