Рустам Юсупов Тошкент шаҳар ҳокимлиги ҳузуридаги ободонлаштириш бош бошқармаси бошқарувчиси вазифасини бажарувчи этиб тайинланди. Бу ҳақда Тошкент шаҳар ҳокими вазифасини бажарувчи Бахтиёр Раҳмонов тегишли қарор қабул қилди.
Маълумот учун, Рустам Юсупов бунгача Тошкент шаҳар ҳокимлиги ҳузуридаги ободонлаштириш бош бошқармаси бошқарувчиси ўринбосари эди.
Аввалроқ, 2021 йил ноябридан Тошкент шаҳар ҳокимлиги ҳузуридаги Ободонлаштириш бош бошқармасига раҳбарлик қилиб келаётган Анвар Умаров ўз хоҳиши билан лавозимини тарк этгани ҳақида хабар бергандик.