"Рома" сафида ҳаракат қиладиган 27 ёшли футболчи Элдор Шомуродов "Специя" клуби аъзосига айланди. Бу ҳақда Италия чемпионати расмий сайти маълум қилди.
Футболчи мавсум охирига қадар специяликлар сафида ижара асосида ҳаракат қилади. "Специя"да Шомуродовни сотиб олиш ҳуқуқи мавжуд эмас. Трансфер суммаси 1,5 миллион евро экани айтилмоқда.
Эслатиб ўтамиз, Шомуродов 2021 йилнинг августида Италиянинг «Женоа» клубидан «Рома»га ўтган эди. Бунгача у Россиянинг "Ростов" ва Ўзбекистоннинг "Бунёдкор" жамоаларида тўп сурган. Рим клуби таркибида ҳужумчи 48 та ўйин ўтказиб, 6та гол урган.