Ижтимоий тармоқларда Cobalt автомашинасини бошқарган ҳайдовчи йўлнинг қатнов қисмида "дрифт" қилиб йўлнинг қарама-қарши қисмида ҳаракатлангани акс этган видео ижтимоий тармоқларда тарқалди. Ушбу ҳолат бўйича вилоят ИИВ муносабат билдирди.
Маълум қилинишича, қонунбузар ҳайдовчи Қарши шаҳрининг марказий кўчаларида қарама- қарши йўналишда ҳаракатланиши билан бирга хавфли ҳаракатларни ҳам амалга оширган. У бу ҳаракатларини видеога олиб, ижтимоий тармоқларга жойлаган. Аниқланишича, ҳайдовчи шу орқали машҳурликка эришмоқчи бўлган.
"Дрифт" қилиб, оғайниларим билан бирга видеога олиб, ижтимоий тармоқларга қўйгандик. Бундай ижтимоий тармоқларда тарқаб кетишини билмагандик, афсусдаман'', - дейди ҳайдовчи.
Мазкур ҳолат вилоят ИИБ ЖХХ ЙҲХБ ходимлари томонидан ўрганилиб, автомобиль ҳайдовчисига нисбатан МЖтКнинг 128- моддаси билан маъмурий баённома расмийлаштирилган.