2023 йил 27 январь куни Ўзбекистон ташқи ишлар вазири в.б. Бахтиёр Саидов Озарбайжон ташқи ишлар вазири Жейхун Байрамов билан телефон орқали мулоқот ўтказди. Бу ҳақда Ўзбекистон ТИВ Матбуот хизмати хабар қилди.
Б.Саидов Озарбайжоннинг Теҳрондаги Элчихонасига қуролли ҳужум уюштирилгани муносабати билан Озарбайжон томонига чуқур ҳамдардлик изҳор этди.
Ушбу ҳодиса синчковлик билан ўрганилгач, барча айбдорлар жавобгарликка тортилишига умид билдирилди.
Маълумот учун, бир неча кун олдин Озарбайжоннинг Эрондаги элчихонасига қуролли ҳужум уюштирилган. Натижада, бир киши ҳалок бўлган ва бир киши яраланган.