Бухорода бир куннинг ўзида “Цинепар” сиропини ичган 23 нафар бола вафот этгани ҳақида хабарлар ижтимоий тармоқларга сиздирилди. Ушбу ҳолат юзасидан Соғлиқни сақлаш вазирлиги муносабат билдирди.
"ССВ бу маълумотлар мутлақо асоссиз ва ҳақиқатга зид эканлигини маълум қиламиз. Ўрганишлар давомида Бухоро вилоятидаги тиббиёт муассасаларида даволанган болаларда ушбу препаратни қабул қилиш туфайли ҳеч қандай ўлим ҳолати кузатилмаган", — дейилади ССВ муносабатида.
Шунга қарамай, вазирлик аҳолига ҳар қандай дори воситасидан шифокор кўрсатмасисиз ва ўзбошимчалик билан фойдаланмаслик зарурлигини яна бир бор эслатиб ўтди.
