Фавқулодда вазиятлар вазирлиги кўл ва дарёлар устидаги музларда учмасликни тавсия қилди.
Унга кўра, Ўзбекистонда ҳаво ҳарорати кескин тушиб кетиши ортидан республиканинг бир қатор ҳудудларидаги йирик дарёлар, кўллар, ҳаттоки шаршаралар музлаши кузатилди.
Ушбу ҳудудларда аҳоли, айниқса, ёш болалар кўнгил очиш мақсадида конки ва чаналарда учишмоқда.
"Сўнгги кунларда ҳаво ҳарорати анчайин илиқлашгани, шунингдек муз қопламалари қалин бўлмаганлиги сабабли ёрилиш эҳтимоли юқори. Бу эса муз устида учаётганлар ҳаёти учун хавфли ҳисобланади", — дейилади хабарда.
Аҳолига сув ҳавзалари устидаги музларда учмаслик тавсия этилади.