Бугун Ўзбекистон ҳудудига совуқ антициклон периферияси таъсир этиб туради. Республиканинг барча ҳудудлари бўйича ҳаво вақти-вақти билан ўзгариб туради, ёғингарчилик кутилмайди. Кундузи ҳаво ҳарорати -3 даража совуқ, +2 даража илиқ атрофида, айрим жойларда -2 даража совуқ бўлади.
Иш ҳафтасининг охиригача совуқ ҳаво массасининг таъсири сақланиб туради. Республика бўйича ёғингарчилик кутилмайди, фақат 25 январда республиканинг тоғ олди ва тоғли ҳудудларининг баъзи жойларида бироз қор ёғади.
Кечалари ҳаво ҳарорати -8...-13 даража совуқ, баъзи жойларда -15...-17 даража совуқ, кундуз кунлари -3 даража совуқ +2 даража илиқ, баъзи жойларда -5 даража совуқ атрофида бўлади.
Республиканинг баъзи жойларига туман тушиши кузатилади.
Республика йўлларининг айрим жойларида яхмалак юзага келиши сақланиб туради.