2022 йилнинг декабрь ойида Ўзбекистонда газ танқислиги пайтида "Ҳудудгазтаъминот"нинг Тошкент вилояти филиали директори Музаффар Алиевга нисбатан энергия ресурслари билан таъминлаш соҳасида қонун бузилишига йўл қўйилгани учун жиноят иши очилган ҳамда у қамоққа олингани ҳақида хабар бергандик.
Бугун, 18 январь куни Бош прокуратура берган хабарга кўра, тергов ҳаракатлари давомида М.Алиевга нисбатан қўлланилган “қамоқ“ эҳтиёт чораси “гаров” эҳтиёт чорасига ўзгартирилган.
Бундан ташқари, М.Алиевнинг лавозимидан четлаштириш тўғрисида Жиноят ишлари бўйича суднинг ажрими мавжуд. Терговга аралашиш ва тўсқинлик қилиш ҳолатларини олдини олиш мақсадида бошқа тафсилотлар ошкор қилинмайди.
