ИИВ ЙҲХББ Матбуот хизматининг хабар беришича, жорий йилнинг 16 январь куни соат 00:20 ларда Тошкент шаҳар Юнусобод тумани Янги шаҳар кўчасида ҳайдовчи 1992 йилда туғилган Б.Р. КIA K5 русумли транспорт воситасини йўл қатлами музлаганини ҳисобга олмасдан бошқариб кетаётиб, рул бошқарувини йўқотган. Натижада, автомобиль йўл четидаги темир тўсиққа урилиб, ағдарилиб кетган. Оқибатида, автоуловда ёнғин чиқиб ёниб чиққан.
ЙТҲ натижасида тан жароҳати олганлар йўқ. Мазкур ЙТҲ юзасидан Тошкент шаҳар ИИББ ЖХХ ЙҲХБ ходимлари томонидан суриштирув олиб борилмоқда.
