Президент Шавкат Мирзиёевнинг 2022 йил 30 декабрдаги фармойиши билан Владимир Имомович Норов Марказий Осиё халқаро институти директори этиб тайинланди. Бу ҳақда Институтнинг Telegram каналида хабар берилди.
MICA Президент ташаббуси билан 2020 йилда ташкил этилган. Бу Марказий Осиёда цивилизация хилма-хиллиги ва барқарор ривожланишнинг замонавий жараёнларини фанлараро тадқиқ қилиш билан шуғулланувчи минтақадаги ягона давлат илмий-тадқиқот муассасасидир.
Эслатиб ўтамиз, 30 декабрь куни Владимир Норов Ўзбекистон ТИВ раҳбари лавозимидан озод этилгани маълум бўлган эди. У бу лавозимда 2022 йилнинг апрелида тайинланганди.