Аввалроқ,ижтимоий тармоқда бир киши тез тиббий ёрдам шифокори билан жанжаллашаётгани, яна бошқа фуқаро эса шифокорни калтаклагани акс этган видео тарқалди. Сурхондарё вилояти ИИБ Ахборот хизмати ҳолат юзасидан маълум берди.
Маълум бўлишича, жорий йилнинг 9 январь куни 14:30 ларда содир бўлган. Фуқаро Ш.Х. Бойсун тумани "Косиблар" маҳалласида жойлашган Бойсун тумани тиббиёт бирлашмасида шифокор вазифасида ишловчи Ф.Ж.ни уриши натижасида шифокор тан жароҳати олиб ерга йиқилган.
Ушбу ҳолат юзасидан ўтказилган терговга қадар текширув ҳаракатлари вақтида Ш.Х, Ш.Ҳ, Ф.Ж га нисбатан судга оид тиббиёт экспертизаси тайинланади ва экспертиза хулосасига кўра Ф.Ж.нинг олган тан жароҳати «енгил» тан жароҳати деб баҳоланган.
Мазкур ҳолат юзасидан Ш.Ҳ ва Ш.Х ларга нисбатан ЖКнинг 277-модда 2-қисмининг “б” банди билан жиноят иши қўзғатилиб, тергов ҳаракатлари ўтказилмоқда.