Global Firepower таҳлилий маркази томонидан тузилган дунёнинг энг қудратли армиялари рейтингида Ўзбекистон Қуролли Кучлари 145 та армия орасида 62-ўринни эгаллади.
Биринчи учликка АҚШ, Россия ва Хитой, кучли ўнликка Ҳиндистон, Буюк Британия, Жанубий Корея, Покистон, Япония, Франция ва Италия киради.
Рейтингнинг сўнгги ўринларини Молдова, Бенин ва Бутан эгаллаган.
Қўшни давлатлардан Қозоғистон 63, Туркманистон 82, Қирғизистон 107, Aфғонистон 114 ва Тожикистон 120-ўринни эгаллади.
Global Firepower маълумотларига кўра, Ўзбекистонда хизмат кўрсатиш учун мавжуд инсон ресурсларининг умумий сони 13,5 миллион кишини ташкил қилади.
Ҳар йили потенциал ишга қабул қилинганлар сони 622 минг кишига тўлдирилмоқда. Aйни пайтда Ўзбекистон Қуролли Кучларида 65 минг киши хизмат қилмоқда.
Ўзбекистон Ҳарбий ҳаво кучлари таркибидаги самолётларнинг умумий сони 197 та: 58 та қирувчи самолёт, 20 та ҳужумчи самолёт, 13 та ҳарбий транспорт самолёти, 7 та ўқув самолёти, шунингдек, 99 та вертолёт ва 33 та ҳарбий вертолёт.
Шунингдек, Ўзбекистонда 420 та танк, 197 та ўзиюрар артиллерия мосламаси ва 143 та кўп ракета тизимидан фойдаланилади.