Поиск
RUUZ

Происшествия

Россиялик 61 ёшли чанғичи Чимён трактида қор кўчкиси остида ҳалок бўлди

Ҳодиса 4 январь куни соат 13:20 атрофида Тошкент вилоятининг Бўстонлиқ туманидаги Чимён тоғларида содир бўлган.

128views0replies
0

UzNews.uz

Жорий йилнинг 4 январь куни соат 13:20 атрофида Бўстонлиқ тумани Чимён тоғ ёнбағирларига дам олиш ва чанғи учиш мақсадида чиққан 61 ёшли Россия Федерацияси фуқароси қор кўчкиси хавфи тўғрисидаги огоҳлантиришларга қарамай, тақиқланган ҳудудда чанғи учиб, қор кўчкиси хавфини юзага келтирган ва қор уюмлари остида қолиб ҳалок бўлган, дея хабар бермоқда ФВВ.
Унга кўра, ҳодиса содир бўлган жойга Тошкент вилояти ФВБ Бўстонлиқ тумани Ихтисослашган кўп тармоқли бошқармаси Чимён қутқарув отряди қутқарувчилари етиб борган. Олиб борилган қидирув ишлари давомида чанғи учувчисининг жасади қор уюмлари остидан чиқариб олинган.
"Фавқулодда вазиятлар вазирлиги барча дам олувчилардан техник хавфсизлик қоидаларига риоя қилишни, тақиқланган ҳудудларда чанғи учмасликни ва эҳтиёткорлик чораларини кўришларини сўрайди", — дейилади хабарда.
128views0replies
0

Комментарии