Ижтимоий тармоқларда Қашқадарёда аёлнинг ўлими билан боғлиқ хабарлар тарқалди. Бош прокуратура матбуот котиби Ҳаёт Шамсутдиновнинг UzNews.uz’га хабар қилишича, марҳум аёл жазмани томонидан аёвсиз калтакланган. Шундан сўнг, яланғоч ҳолда уйига ташлаб кетилган. Оғир аҳволда шифохонага ётқизилган 36 ёшли аёл бир неча соатдан сўнг вафот этган.
Мазкур ҳолат юзасидан 2 январь куни Жиноят кодексининг 104-моддаси 3-қисми "д" банди (Жабрланувчининг ўлимига сабаб бўлган қасддан баданга оғир шикаст етказиш) билан жиноят иши қўзғатилган.
Гумонланувчи шахс процессуал тартибда ушланган. Шаҳрисабз тумани ИИБ ТБ томонидан тергов ҳаракатлари олиб борилмоқда.
