Аввалроқ, ижтимоий тармоқда Сирдарё вилояти Гулистон шаҳридаги чорраҳада ҳайдовчилар йўл талашиб жанжаллашгани акс этган видео тарқалди. Вилоят ИИБ ҳолат юзасидан маълумот берди.
Қайд этилишича, ҳодиса 31 декабрь куни Ўзбекистон шоҳкўчаси ва Хондамир кўчаси кесишмаларида содир бўлган. Воқеа жойига масъуллар етиб бориб, иштирокчилар шахсига аниқлик киритилган.
“Ҳозирда масъуллар томонидан терговга қадар текширув ишлари олиб борилмоқда. Айбдорларга қонуний чора кўрилиб, қонун устуворлиги таъминланади”, - дейилади хабарда.