Тошкентнинг Миробод туманидаги кўп қаватли уйда газ портлади. Бу ҳақда ФВВ матбуот хизмати хабар берди.
30 декабрь куни соат 08:21 ларда Содиқ Азимов кўчасида жойлашган кўп қаватли уйдаги хонадонларнинг бирида газ-ҳаво аралашмаси чақнаши юз берган.
Энергентика вазирлиги берган маълумотга кўра, хонадон эгаси 84 ёшли фуқаро бўлиб, у газ плитасидан фойдаланиб, газни ўчирмасдан қолдиргани сабабли хонада газ тўпланиб, чақнаш содир бўлган ва у жароҳатланган.
"Ҳудудгаз пойтахт" газ таъминоти масъуллари воқеа жойига етиб борган.
Воқеа жойига Фавқулодда вазиятлар вазирлиги раҳбарияти ва бошқа ихтисослаштирилган тузилмалар вакиллари етиб борган.
