Жорий йилнинг 25 декабрь куни Санкт-Петербургда Ўзбекистон фуқароларининг бир ёшли қизи ўйинчоқнинг думалоқ батареясини ютиб юбориб, вафот этди. Россия Тергов қўмитаси хабарига кўра, ҳолат юзасидан а терговга қадар текширув ўтказилмоқда.
Бола тиббий муассасада бўлганида операция ўтказилиб, унинг ичакларидан батарея чиқарилган.
Маълумотларга кўра, қиз уч ой олдин батареяни ютиб юборган.
“Воқеанинг барча ҳолатларини аниқлашга қаратилган комплекс тергов ҳаракатлари олиб борилмоқда, қизнинг ўлими сабабларини аниқлаш учун суд-тиббий экспертиза тайинланган. Текширувда процессуал қарор қабул қилинади”, - дейилади Россия Тергов қўмитаси хабарида.