Санкт-Петербургда бўлиб ўтган норасмий саммитда МДҲ давлатлари президентларига Ҳамдўстлик рамзлари туширилган узуклар совға қилинди. Бу ҳақда "Пул Первого" Telegram-канали хабар бермоқда.
МДҲ давлат раҳбарларининг норасмий учрашуви учун тўққизта узуклар махсус тайёрланган. Узукларга - "Янги йил билан табриклаймиз" дея рус тилида ёзилган.
Эслатиб ўтамиз, 26 декабрь куни Россия етакчиси Владимир Путин ташаббуси билан МДҲ давлатлари раҳбарларининг норасмий учрашуви бўлиб ўтди. Саммитда Ўзбекистон президенти Шавкат Мирзиёев ҳам иштирок этди.
