Олий суд Жиноят ишлари бўйича судлов ҳайъатининг ҳукмига кўра, Б. Хайдаров Жиноят кодексининг 167-моддаси 3-қисми (Ўзлаштириш ёки растрата йўли билан талон-торож қилиш)нинг “а”, “в” бандлари, 209-моддаси 2-қисми (Мансаб сохтакорлиги) “а”, “б” бандлари ва 243-моддаси (Жиноий фаолиятдан олинган даромадларни легаллаштириш)да назарда тутилган жиноятларни содир этганликда айбли деб топилиб, унга Жиноят кодексининг 59-моддаси (Бир неча жиноят содир этганлик учун жазо тайинлаш) тартибида тайинланган жазоларни қисман қўшиш йўли билан 3 йил мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилган ҳолда 10 йил озодликдан маҳрум қилиш жазоси тайинланди.
Шунингдек, Хайдаровга БҲМнинг 350 баравари, яъни 85 750 000 сўм жарима жазоси тайинланди.