Президент Шавкат Мирзиёев бугун, 26 декабрь куни амалий ташриф билан Россиянинг Санкт-Петербург шаҳрига етиб борди. Бу ҳақда президент матбуот хизмати хабар берди.
“Пулково” халқаро аэропортида Шавкат Мирзиёевни Санкт-Петербург шаҳри губернатори Александр Беглов ва бошқа расмий шахслар кутиб олди.
Бугун Шавкат Мирзиёев Мустақил Давлатлар Ҳамдўстлигининг норасмий саммитида иштирок этади. Тадбир кун тартибидан ташкилот доирасидаги кўп томонлама ҳамкорликни кенгайтиришнинг долзарб масалалари ўрин олган.