Шавкат Мирзиёев бундан буён давлат лавозимларига фақат конкурс асосида ишга қабул қилиш ҳақида гапирди.
"Бу йил “Давлат хизмати тўғрисида”ги янги Қонунни қабул қилдик. Бундан буён давлат лавозимларига фақат конкурс асосида ишга қабул қилинади", — деди Мирзиёев.
Барча раҳбарлар фаолияти самарадорлик кўрсаткичлари асосида баҳолаб борилиши ҳамда ҳар йили 500 нафар мутахассисни энг нуфузли хорижий олийгоҳ ва марказларда ўқитиб келиш таъкидланди.
"Келаси икки йилда ҳар бир туман ва шаҳар ҳокимлигига республика идораларида юқори лавозимларда ишлаган, билимли ва тажрибали кадрлар қўйилади.
Янги йилдан бошлаб ҳар бир ҳоким ўз туманига 40-50 миллион доллар хусусий инвестицияларни олиб келиши керак бўлади", деди — Шавкат Мирзиёев.
