Қашқадарё вилояти ИИБ Матбуот хизматининг хабарига кўра, ҳодиса 2022 йил 19 декабрь куни тахминан соат 07:15 ларда халқаро аҳамиятдаги А-380 “Ғузор-Бухоро-Нукус-Бейнеу” автомобиль йўлининг 73 км.да содир бўлган.
Косон туман “Пудина” ҚФЙ ҳудудида Миришкор тумани “Зафаробод” МФЙда яшаган ҳайдовчи Б.Н. Spark'ни “Қарши-Косон” йўналиши бўйича бошқариб бориб, бир йўналишда олдинда ҳаракатланиб бораётган Косон тумани Мудин қишлоғида яшовчи М.Д. бошқарувидаги “ГАЗ-53” билан ЙТҲ содир этган.
Натижада, Spark ҳайдовчиси Б.Н. олган оғир тан жароҳати боис воқеа жойида вафот этган. Ушбу автомашина йўловчиси Н.С. эса олган тан жароҳатлари боис шифохонада вафот этган.
Мазкур ҳолат юзасидан ЖКнинг 266-моддаси 3-қисми “а” банди билан жиноят иши қўзғатилиб, дастлабки тергов ҳаракатлари олиб борилмоқда.
