АҚШ Ўзбекистон ва Қирғизистон ўртасидаги чегарани белгилаш бўйича келишувни олқишлайди. Бу ҳақда АҚШ давлат котиби Энтони Блинкен Америка пойтахтида Ўзбекистон ташқи ишлар вазири Владимир Норов билан учрашуви олдидан маълум қилди.
Унинг сўзларига кўра, мулоқот доирасидаги учрашув сешанба куни бўлиб ўтади.
"Биз стратегик шериклик бўйича мулоқотни давом эттирмоқдамиз, бундан жуда мамнунман. Мулоқот биз учун олдимизда турган кўплаб муаммолар юзасидан фикр алмашиш учун яхши ва муҳим имконият бўлади. Мен ҳар доимгидек, АҚШнинг Ўзбекистон суверенитети, мустақиллиги ва ҳудудий яхлитлигига содиқлигини алоҳида таъкидлайман", - деди Блинкен.
Блинкеннинг айтишича, бу минтақадаги ва ундан ташқаридаги кўпчилик учун дипломатиянинг бундай муаммоларни ҳал қилишда салоҳияти ва аҳамияти ҳақида муҳим сигнал беради.
“Америка ташқи сиёсат департаменти раҳбари Ўзбекистондаги "ислоҳотлар, жумладан, «диний эркинлик ва мажбурий меҳнат" билан боғлиқ ислоҳотларни таъкидлади. "Албатта, муҳокама қилишимиз керак бўлган нарсалар кўп. Хусусан, Афғонистон бўйича”, - деди Блинкен.
Ўз навбатида, Норов Ўзбекистон "самарали мулоқотни давом эттириш", жумладан, "савдо, сармоя, фан-техника, таълим ва инсон салоҳияти тараққиёти соҳаларида икки томонлама муносабатларни кенгайтириш"ни кутаётганини таъкидлади.