Аввалроқ, ижтимоий тармоқда Ангрен нефтбазасида авария содир этилганлиги ҳақида хабарлар тарқалди. Ҳолат юзасидан корхона бошлиғи Д.Азимов муносабат билдирди.
Маълум бўлишича, жорий йилнинг 10 декабрь куни тахминан соат 20:10 да Ангрен нефтбазаси ҳудудида 5000м.куб ҳажмдаги 20-сонли сиғим (резервуар) сифонининг жўмраги ҳаво ҳарорати пасайиши муносабати билан музлаб ёрилиш юз берган.
Натижада, сиғимда бўлган АИ-80 бензин ёқилғи маҳсулоти (11 500 литр) тўкилган. Содир бўлган авария ҳолати завод ишчи-ходимлари томонидан шу куннинг ўзида, соат 20:45 да бартараф қилинган. Ҳеч кимга жиддий зарар етказилмаган.
Ёқилғи маҳсулотлари тўкилиши натижасида, ёмғир суви чиқадиган лоток ариқлари орқали завод ҳудудидан 2022 йил соат 14:00 да ташқарига сизиб чиққан.