Қашқадарё вилояти ИИБ Матбуот хизматининг хабарига кўра, жорий йилнинг 5 декабрь куни соат 20:00 ларда Қарши шаҳар, "Насаф" кўчасида жойлашган "Оригинал" супермаркети рўпарасида Cobalt ҳайдовчиси пиёдалар ўтиш йўлагидан ўтаётган 13 ёшли Х.Д.ни уриб юборган.
Аммо, ҳайдовчиси қизга ҳеч қандай ёрдам кўрсатмасдан, қочиб кетган. Натижада, Х.Д. тан жароҳати олиб, шифохонанинг жонлантириш бўлимига ётқизилган.
Мазкур ҳолат юзасидан Қарши шаҳар ИИО ФМБ ҳузуридаги ТБ томонидан ЖКнинг 266-моддаси 1-қисми ва 117-моддаси 1-қисми билан жиноят иши қўзғатилган.
Ҳозирда ҳолат юзасидан вилоят миқёсида автомашинани қидириб топиш бўйича ишлар ташкиллаштирилган.
