Ижтимоий тармоқда Қашқадарё вилояти транспорт бошқармаси инспектори хизмат кийимидаги "Қашқадарё Республикаси" ёзувли расм тарқалиб, кенг муҳокамаларга сабаб бўлган эди. Ушбу ҳолатга Қашқадарё вилояти транспорт бошқармаси Ахборот хизмати расмий изоҳ берди.
Маълум қилинишича, ёзув билан боғлиқ ҳолат тегишли ишчи гуруҳи томонидан ўрганилган.
Транспорт вазирининг 2021 йил 29 октябрдаги 208-сонли буйруғига асосан, хизмат кийими бўйича қатор тавсифлар тасдиқланган бўлиб, бошқарма инспектори Ҳ.Ж. томонидан мазкур талаблардан бири қўпол равишда бузилган.
"Шуни ҳисобга олиб, инспектор Ҳ.Ж. га ҳамда ўзига юклатилган вазифасига совуққонлик билан қараган бир қатор ходимларга тегишли тартибда интизомий чоралар кўрилди", - дейилади хабарда.
