Самарқандда бўлиб ўтган Россия ва Ўзбекистон ҳукумати раҳбарлари даражасидаги қўшма комиссиянинг учинчи йиғилишининг якунлари бўйича меморандум ва битимлар имзоланди, хусусан:
— Россия Федерацияси ва Ўзбекистон Республикаси божхона хизматлари ваколатхоналарини очиш;
— товар келиб чиқишини сертификатлаштиришнинг электрон тизимларини ўзаро қўллаш;
— мамлакатлар ўртасида товарлар ва транспорт воситаларини олиб ўтишда божхона операцияларини амалга оширишнинг соддалаштирилган тартибини ташкил этиш;
— аҳолининг молиявий саводхонлигини ошириш соҳасида ҳамкорлик қилиш;
— жисмоний тарбия ва спорт соҳасида касбий таълимни ривожлантириш;
— меҳнат мигрантларининг меҳнат ҳуқуқларини ҳимоя қилиш соҳасидаги ҳамкорликдаги фаолият;
— саноат кооперациясини кенгайтириш;
— транспорт соҳасида ҳамкорлик.
