Поиск
RUUZ

Общество

Тошкент ер усти метросининг 19 та бекати номи ўзгаради

Айни пайтда рақамлар билан ажратилган бекатлар номи жамоатчиликнинг овоз бериши орқали номланади.

252views0replies
0

UzNews.uz

Тошкент ер усти метросининг Қўйлиқ ва Сергели йўналишларидаги 19 та бекатга қандай ном бериш бўйича жамоатчилик муҳокамаси ўтказилади. Бу ҳақда Транспорт вазирлиги Матбуот хизмати хабар берган. 
Қайд этилишича, жамоатчилик фикрини йиғиш ва овозга қўйиш учун тез орада Тошкент шаҳар ҳокимлигининг махсус веб-саҳифаси ишга туширилади.
Кенг жамоатчилик томонидан билдирилган таклифлар устида ишлаш мақсадида ишчи гуруҳ ташкил қилинган бўлиб, унда мазкур масалага масъул бўлган давлат бошқаруви ва маҳаллий давлат ҳокимияти органлари билан бир қаторда, олимлар, тарихчилар, филологлар, ўлкашунос, блогерлар, топонимика соҳасида катта тажрибага эга бўлган мутахассислар таклиф этилган.
Маълумот учун, Сергели метро линиясини қуриш ишлари 2016 йилнинг декабрида бошланган бўлиб, у 2020 йилнинг кузида фойдаланишга топширилиши лозим бўлган.
Лойиҳага кўра, метрополитеннинг янги йўналиши "Чоштепа", "Тошкент ҳалқа йўли", "Сергели", "Афросиёб", "Қипчоқ" ва "Чинор" номларига эга бўлиши керак бўлган.
Тошкент метрополитени ходими Рустам Пўлатов 2021 йил сентябрь ойида янги метро линияларининг рақамланиши вақтинча эканлигини билдирган.
Атамашунослар бунда бекатлар қурилган жойнинг тарихи, ўтмишини ўрганиб, шунга кўра ном танлайди. Ҳозирда "Дўстлик—Қўйлиқ" йўналишидаги ер усти метро бекатлари 1, 2, 3, 4, 5, 6, 7 тартибида номланган.
252views0replies
0

Комментарии