Хоразм вилояти прокуратурасининг хабарига кўра, жорий йилнинг 26 ноябрь куни Янгиариқ тумани ИИБ ходими У.Р. ИИБ биносида хизмат қуроли орқали ўз жонига қасд қилган.
Дастлабки маълумотларга кўра, У.Р.нинг ўз жонига қасд қилишига оилавий келишмовчилик оқибатида келиб чиққан руҳий сиқилиш сабаб бўлган.
Ҳолат юзасидан Янгиариқ туман прокуратураси томонидан терговга қадар текширув ҳаракатлари олиб борилмоқда. Текширув вилоят прокуратураси томонидан назоратга олинган.