Бугун Ўзбекистон бўйича ёғингарчилик кутилмайди. Эрталаб республика шимолида ва Фарғона водийсининг баъзи жойларига туман тушиши ҳисобига кўринувчанлик ёмонлашади. Ҳарорат фони кечаги кунга нисбатан бироз паст, аммо етарли даражада юқор, +15...+17 даража илиқ, жанубда +20 даража илиқ атрофида бўлади.
Дам олиш кунлари Ўзбекистон ҳудудига маркази Қозоғистон устида бўлган совуқ антициклон таъсир этади. Ҳаво ҳарорати кечалари +3...+8 даража илиқгача, кундуз кунлари +8...+13 даража илиқгача пасаяди.
Ушбу кунларда республиканинг барча ҳудудлари бўйича қуруқ об-ҳаво сақланиб туради, кечаси ва эрталаб баъзи жойларга туман тушади.
Совуқ ҳаво кириб келиши натижасида шимол ва чўл ҳудудларининг баъзи жойларида шамол тезлиги соатига 15-20 м/с гача кучаяди.