Жорий йилнинг 19 ноябрь куни соат тахминан 22:30 атрофида Яккасарой тумани Шота Руставели кўчасида ҳайдовчи 2003 йилда туғилган А.А. Nexia-3 автомашинасида ҳаракатланиб, пиёдани уриб юборган.
Йўл-транспорт ҳодисаси натижасида 34 ёшли Р.К. (аёл) олган тан жароҳатлари сабабли касалхонага олиб кетилаётган вақтда вафот этган, дея хабар бермоқда Тошкент шаҳар ИИББ матбуот хизмати.
Мазкур ҳолат юзасидан ЖКнинг 266-моддаси 2-қисми (“Транспорт воситалари ҳаракати ёки улардан фойдаланиш хавфсизлиги қоидаларини бузиш”) билан жиноят иши қўзғатилган. Ҳозирда тергов ҳаракатлари олиб борилмоқда.