“IT парк ва ИНҲA университети биноларидан бири ёнаётгани бўлаётгани акс этган видео ижтимоий тармоқларга сиздирилди. Ушбу ҳолат бўйича Фавқулодда вазиятлар вазирлиги муносабат билдирди.
Бугун, 23 ноябрь куни соат 11:12 атрофида Тошкент шаҳар М.Улуғбек тумани “Олимлар” МФЙ Шаҳриобод кўчасида жойлашган кўп қаватли биноларнинг бирида ёнғин содир бўлаётганлиги тўғрисида шаҳар ФВБга хабар келиб тушган.
Шунга кўра 3 та ёнғин-қутқарув экипажи соат 11:15 да воқеа жойига етиб борган ва ёнғин соат 11:25 да ўчирилган, дейилади ФВВ хабарида.
Аниқланишича, ёнғин натижасида 24 қаватли қурилиши тугалланмаган “IT” парк биносининг 21-қаватида тахминан 5 кв.м. майдонда пенопласт қолдиқлари ёниб зарарланган. Ёнғин натижасида қўшни биноларга зарар етмаган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
