Тошкент давлат юридик университетининг 27 ёшли 3-курс талабаси Баҳодир Бозоров бахтсиз ҳодиса туфайли вафот этди.
27 феврал куни у ишлаб ва яшаб келаётган қурилиши тугалланмаган уйда лифт учун бетондан тайёрланган, ҳимояланмаган шахтага 2-қаватдан йиқилиб тушади. Тез ёрдам келавермагач, яқинлари кўчадан патрул машинасини тўхтатиб, ёрдам сўрашади.
Шифохонага олиб борилган Баҳодир Бозоров олган тан жароҳатлари оқибатида вафот этган.
Тиббий экспертиза хулосасига кўра, ўлимга бўйин, қорин қўшма тўмтоқ жароҳатлари бўйича олтинчи умуртқа синиши, орқа мияга қон қуйилиши, шунингдек, жигарнинг ёрилиб кетиши ва ўткир қон кетиши сабаб бўлган, дея ёзмоқда Kun.uz.