Ўзгидромет хабар беришича, бугун республика ҳудудига жанубий сиклон кириб келиши кутилмоқда, у билан республиканинг шимоли-ғарбий туманларида қисқа муддатли ёмғир ёғади, республиканинг жанубий ва марказий туманларида ёмғир кучсиздан мўтадилгача ўтади.
Тоғ олди ва тоғли ҳудудларда ёмғир ва қор кўринишидаги ёғингарчилик, жойларда кучли бўлиши мумкин. Aйрим жойларда шамол тезлиги соатига 15-20 м/с гача кучайиши мумкин. Фарғона водийси ҳудудларида ёғингарчилик кутилмайди. Кундузи ҳаво +14...+17 даражагача исийди, бу куннинг меъёрий кўрсаткичларига яқинлашади.
Эртага республиканинг аксарият ҳудудларида ёмғирли ҳаво давом этади, бироқ Қорақалпоғистон Республикаси, Хоразм, Бухоро, Навоий вилоятларида ҳаво ёғингарчиликсиз бўлади. Кечаси ва эрталаб республика бўйлаб туман тушиши сабабли кўриш имконияти ёмонлашиши мумкин. Aйрим туманларда шамол тезлиги соатига 15-20 м/с гача давом этади. Ҳаво ҳарорати кечаси +5...+10 даража иссиқ, кундузи +10...+15 даража илиқ бўлади.
Якшанба куни республикада ёғингарчиликсиз об-ҳаво кузатилади, кечаси ва эрталаб жойларда туман тушиши мумкин.