БМТ Тараққиёт дастури лойиҳаси доирасида Тошкент вилоятининг Нурафшон шаҳрида қайта тикланувчи энергия манбаларидан фойдаланган ҳолда мустақил равишда электр энергияси ишлаб чиқарадиган биринчи уй қурилди, деб хабар бермоқда Энергетика вазирлиги матбуот хизмати.
Хонадоннинг очилиш маросимида Тошкент вилояти ҳокимлиги, Энергетика, Қурилиш вазирликлари, БМТТД ва оммавий ахборот воситалари вакиллари иштирок этди.
Қайд этилишича, уйга қуввати 15 кВт бўлган қуёш батареялари ўрнатилган бўлиб, улар уйни энергия ресурслари билан тўлиқ таъминлайди, шунингдек, иссиқ сув таъминоти учун 200 литрли қуёш сув иситгичи ҳам ўрнатилади.
"Хонадон эгалари олган электр энергиясини ҳудудий электр тармоқларига сотиш ва қўшимча даромад олиш имкониятига эга бўлади", — дейилади вазирлик хабарида.
