Бизнес-омбудсман Матбуот хизматининг UzNews.uz’га маълум қилишича, эндиликда тадбиркорларга ўзларида ўтказиладиган текширишлар бўйича онлайн маълумот олиш имконияти жорий этилди.
Бу хизматдан фойдаланиш учун тадбиркорлардан biznesvakil.uz сайтига кирган ҳолда ёки Telegram мессенжеридаги Tekshiruv info bot орқали корхона СТИРини сўров шаклида юборишлари зарур. Юборилган сўров текширишларни ягона рўйхатга олиш тизими билан интеграция қилинган бўлиб реал вақт режимида юборилган СТИР бўйича маълумотларни тақдим этади. Ушбу хизматлар барча фойдаланувчиларга бепул шаклда амалга оширилади.
