Аввалроқ, ижтимоий тармоқларда “Афросиёб” поездига қон сачрагани акс этган фотолар тарқалди.
Транспорт прокуратурасининг маълум қилишича, 2022 йил 11 ноябрь куни соат 05:31 да “Бухоро-Самарқанд-Тошкент йўналишидаги 765-сонли юқори тезликда ҳаракатланувчи “Афросиёб” тез юрар йўловчи поезди “Зирабулоқ – Каттақўрғон” темир йўл бекатлари оралиғининг 3816 км. 3-пикетида темир йўл изида қаровсиз юрган 18 бош қўйни уриб юборган.
Мазкур ҳолат бўйича ҳужжатлар расмийлаштирилиб, қўйларни эгаси ҳамда етказилган зарар миқдори аниқланмоқда.
Ҳозирги кунда Самарқанд вилояти Транспортда ХТБ томонидан терговга қадар текширув ишлари олиб борилмоқда.