Айни дамда Самарқандда бўлиб ўтаётган Туркий давлатлар саммитида кузатувчи сифатида қатнашаётган Венгрия бош вазири Виктор Орбан нутқ сўзлади.
Унинг айтишича, Европада тинчлик ҳақидаги хитобларни уруш овозлари босиб кетмоқда. Давлатлар ташқи сиёсат масаласида нима хоҳлаётганини аниқлаштириб олмаган. Улар асосан АҚШнинг қарашлари ортидан бораётгандек.
“Европа давлатлари аввалига Украинага ҳимоя қуролларини беришди, энди эса ҳужум қилиш имконини берадиган қуроллар етказиш бошланди”, — дейди Виктор Орбан.
