Поиск
RUUZ

Общество

"Ўзбекистон Конституциясининг 30 йиллиги" эсдалик нишони таъсис этилди

Мазкур нишон билан кимлар тақдирланиши маълум қилинди. Шунингдек, у Ўзбекистон фуқароси бўлмаган шахсларга ҳам берилади.

140views0replies
0

ЎзА

Мазкур нишон Ўзбекистон Республикаси Конституцияси қабул қилинганининг 30 йиллиги муносабати билан "Ўзбекистон Конституциясининг 30 йиллиги" эсдалик нишони таъсис этилди. Бу тўғрисида президентнинг тегишли фармони қабул қилинди.
Нишон билан Ўзбекистон мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини юксалтириш, мудофаа қудратини ошириш, давлат сарҳадларининг дахлсизлигини таъминлаш, тинчлик ва барқарорликни, миллатлараро дўстлик ва тотувликни асраш каби шарафли вазифаларни амалга ошириб келаётган барча соҳа вакиллари, меҳнат фахрийлари, ҳарбий хизматчилар ва ҳуқуқни муҳофаза қилувчи органлар ходимлари ҳамда бошқа шахслар мукофотланиши мумкин.
"Ўзбекистон Конституциясининг 30 йиллиги" эсдалик нишони билан Ўзбекистон фуқароси бўлмаган шахслар ҳам тақдирланиши мумкин.
140views0replies
0

Комментарии