Жорий йилнинг январь-сентябрь ойлари якунига кўра, Тошкент метрополитенида жами 94,4 млн йўловчи ташилган, дея хабар бермоқда Давлат статистика қўмитаси.
Унга кўра, ўртача бир кунда метрополитен транспорт хизматидан 345,8 минг нафар йўловчи фойдаланган.
Жорий йилнинг 1 январь ҳолатига кўра, Тошкент метрополитенида жами 256 та йўловчи ташийдиган ҳаракатдаги вагонлар мавжуд. Тошкент метрополитени қатнов йўлларининг умумий узунлиги 59,1 километрни ташкил этади.
